ലഖ്നൗ: സാമ്പത്തികമായി പിന്നാക്കം നില്ക്കുന്ന കുടുംബങ്ങള്ക്ക് യോഗി സര്ക്കാരിന്റെ ഹോളി സമ്മാനം. പ്രധാനമന്ത്രി ഉജ്ജ്വല യോജനയ്ക്ക് കീഴിലുള്ള കുടുംബങ്ങള്ക്കാണ് സൗജന്യമായി പാചകവാതക സിലിണ്ടറുകള് നല്കും. ഉജ്ജ്വല ഗുണഭോക്താക്കള്ക്ക് വര്ഷത്തില് രണ്ട് സിലിണ്ടറുകള് സൗജന്യമായി നല്കുമെന്ന് യോഗി സര്ക്കാര് ബജറ്റില് പ്രഖ്യാപിച്ചിരുന്നു. 2023-24 സാമ്പത്തിക വര്ഷത്തേക്ക് സര്ക്കാര് 2,312 കോടി രൂപയാണ് ഇതിനായി വകയിരുത്തിയത്.
പദ്ധതിയുടെ ഭാഗമായി ആദ്യ സിലിണ്ടര് ദീപാവലി സമയത്ത് ലഭ്യമാക്കി, രണ്ടാമത്തെ സിലിണ്ടര് ഹോളി സമയത്ത് നല്കുമെന്ന് അധികൃതര് പറഞ്ഞു. പ്രധാനമന്ത്രി ഉജ്ജ്വല യോജനയ്ക്ക് കീഴിലുള്ള ഏകദേശം 1.75 കോടി ഗുണഭോക്താക്കള്ക്കാണ് ഇതിന്റെ പ്രയോജനം ലഭിക്കുക.
ദീപാവലിക്ക് 131.17 ലക്ഷം (1.31 കോടിയിലധികം) സിലിണ്ടറുകളാണ് വിതരണം ചെയ്തത്. ഉജ്ജ്വല ഗുണഭോക്താക്കളുടെ അക്കൗണ്ടുകളിലേക്ക് മുഴുവന് തുകയും ഒന്നിച്ചാണ് യുപി സര്ക്കാര് കൈമാറിയത്.
