മുംബയ് : ലോകസൗന്ദര്യ കിരീടം മിസ് ചെക്ക് റിപ്പബ്ലിക്ക് ക്രിസ്റ്റിന പിസ്കോവയ്ക്ക് . മത്സരത്തില് 112 സുന്ദരിമാരെ പിന്തള്ളിയാണ് 23-കാരി ക്രിസ്റ്റിനയുടെ നേട്ടം.
അവസാന നാല് പേരെ തെരഞ്ഞെടുക്കാനായുള്ള ചോദ്യോത്തരത്തില് മിസ് ചെക്ക് റിപ്പബ്ലിക്കിനുള്ള ചോദ്യം സ്ത്രീകളുടെ ആരോഗ്യസംരക്ഷണത്തെ കുറിച്ചായിരുന്നു. ഒരു സ്ത്രീയാകുക എന്നത് ദൈവത്തിന്റെ വരദാനമായി കാണണം. ആര്ത്തവരക്തം കളങ്കമാണെന്നും ആര്ത്തവത്തെ കുറിച്ച് സംസാരിക്കുന്നത് നാണക്കേടാണെന്നുമുള്ള സമൂഹത്തിന്റെ ചിന്താഗതി മാറണമെന്നും ക്രിസ്റ്റിന ഉത്തരം നല്കി.ധാരാളം കയ്യടികള് ലഭിച്ചു ഈ ഉത്തരത്തിന്.
മത്സരത്തില് ‘ബെസ്റ്റ് ഡിസൈനര് അവാര്ഡ് യൂറോപ്പും’ ക്രിസ്റ്റിന നേരത്തെ നേടി. ഏറെ സന്തോഷവും അഭിമാനവും തോന്നുന്ന നിമിഷമമെന്ന് മത്സരശേഷം ക്രിസ്റ്റിന പറഞ്ഞു.
നിയമത്തിലും ബിസിനസ് അഡ്മിനിസ്ട്രേഷനിലും ബിരുദ പഠനം നടത്തുന്ന ക്രിസ്റ്റിന മോഡലുമാണ്. ക്രിസ്റ്റിന പിസ്കോവ ഫൗണ്ടേഷന് എന്ന പേരില് സന്നദ്ധ സ്ഥാപനവും നടത്തുന്നുണ്ട്.
