തൃശ്ശൂർ: ലോക വനിതാ ദിനമായ മാർച്ച് 8ന് മലയാള സിനിമയിലെ ആദ്യ വനിതാ പിആർഒ ആയ മഞ്ജു ഗോപിനാഥിന്റെ വെബ്സൈറ്റ് നടൻ സുരേഷ് ഗോപി തൃശൂരിൽ വച്ച് ലോഞ്ച് ചെയ്തു. 10 വർഷമായായി മലയാള സിനിമയിലെ സജീവ സാന്നിധ്യമാണ് മഞ്ജു. 200നടുത്തു സിനിമകളുടെ പ്രമോഷൻ വർക്കുകൾ ഇതിനോടകം മഞ്ജു ചെയ്തിട്ടുണ്ട്.. മാധ്യമപ്രവർത്തകയായും റേഡിയോ ജോക്കിയായും തിളങ്ങിയ പ്രവർത്തന പരിചയവും മഞ്ജുവിനുണ്ട്.
മംഗളം,മാതൃഭൂമി എന്നീ ദിപത്രങ്ങളിൽ പ്രവർത്തിച്ചതിന് ശേഷം കേരളത്തിൽ പ്രൈവറ്റ് എഫ് എം സ്റ്റേഷനുകൾ തുടക്കം കുറിച്ചപ്പോൾ മാതൃഭൂമിയുടെ എഫ് എം റേഡിയോ ആയ ക്ലബ് എഫ് എം റേഡിയോയിൽ ഏഴു വർഷത്തോളം റേഡിയോ ജോക്കിയായി സേവനം അനുഷ്ഠിച്ചു. അതിനുശേഷം റിപ്പോർട്ടർ ചാനലിൽ എന്റർടൈൻമെന്റ് എഡിറ്ററായും ജോലി ചെയ്തു. 2014 ൽ മമ്മൂട്ടി പ്രധാന വേഷത്തിൽ എത്തിയ മുന്നറിയിപ്പിലൂടെ ആയിരുന്നു സിനിമാ പിആർഒ എന്ന നിലയിലുള്ള മഞ്ജുവിന്റെ തുടക്കം.
