തൃശൂർ: അതിരപ്പള്ളിയിൽ വീടിനുള്ളിൽ കയറി കാട്ടാന കൂട്ടത്തിന്റെ ആക്രമണം. അതിരപ്പള്ളി പ്ലാന്റേഷൻ കോർപ്പറേഷൻ വെൽഫെയർ ഓഫീസറുടെ വീടിന് നേരെയാണ് കാട്ടാന ആക്രമണം നടന്നത്. ഇന്നലെ രാത്രിയായിരുന്നു സംഭവം. കാട്ടാനക്കൂട്ടം വീടിനുള്ളിൽ കയറി ആക്രമണം നടത്തുകയായിരുന്നു.
രാവിലെ തോട്ടത്തിലെത്തിയ തൊഴിലാളികളാണ് ആദ്യം വിവരം അറിയുന്നത്. വീട്ടിലെ സാധനങ്ങളിൽ ഏറെയും നശിപ്പിച്ച നിലയിലാണ്. ഫർണിച്ചറുകളും മറ്റും തകർന്നിട്ടുണ്ട്. കാട്ടാനക്കൂട്ടം വീടിനുള്ളിൽ കയറിയ സമയം ഇവിടെ ആരുമുണ്ടായിരുന്നില്ല.
