ജാംനഗര്: ഷാരൂഖ് ഖാന് ജയ് ശ്രീറാം വിളിച്ചപ്പോള് സദസ്സില് നിന്നും ഉയര്ന്നത് ആര്പ്പുവിളിയും നിലയ്ക്കാത്ത കയ്യടിയും. മുകേഷ് അംബാനി-നിത അംബാനി ദമ്പതികളുടെ ഇളയമകനായ ആനന്ദ് അംബാനിയുടെ വിവാഹത്തിന് നാല് മാസം മുന്പ് നടക്കുന്ന മൂന്ന് ദിവസത്തെ വിവാഹസല്ക്കാരത്തിലാണ് ഷാരൂഖ് ഖാന് അതിഥികളെ സംബോധന ചെയ്ത് സംസാരിക്കുന്നതിനിടയില് ‘ജയ് ശ്രീറാം’ വിളിച്ചത്.
Shah Rukh Khan says Jai Shree Ram !
This video should reach Each and Every Leftist/ Islamist 😂😎 pic.twitter.com/fjPnZ7PNfX
— BALA (@erbmjha) March 3, 2024
മിനിറ്റുകള്ക്കകം ഷാരൂഖ് ഖാന് ജയ് ശ്രീറാം വിളിയ്ക്കുന്ന വീഡിയോ സമൂഹമാധ്യമങ്ങളില് വൈറലായി. അംബാനി കുടുംബത്തിന്റെ സ്ത്രീകളെ പരിചയപ്പെടുത്താന് വേണ്ടിയാണ് ഷാരൂഖ് ഖാന് വേദിയില് എത്തിയത്.
മാര്ച്ച് ഒന്നിനാണ് ആനന്ദ് അംബാനി-രാധിക മെര്ച്ചന്റ് വിവാഹപൂര്വ്വ വിരുന്ന് ആരംഭിച്ചത്. വേദിയില് ഷാരൂഖ് ഖാന്, സല്മാന് ഖാന്, ആമിര് ഖാന് എന്നിവര് ചേര്ന്ന് നാട്ടുനാട്ടുവിന് ചുവടുവെച്ചു. അവര് വേദിയിലേക്ക് സിനിമയില് ഈ ഗാനത്തിന് വേണ്ടി നൃത്തം ചെയ്ത തെലുങ്ക് നടന് രാം ചരണിനെ ക്ഷണിക്കുകയും ചെയ്തു. മൈക്രോസോഫ്റ്റിന്റെ ബില് ഗേറ്റ്സ്, ഫെയ്സ് ബുക്ക് ഉടമ മാര്ക്ക് സക്കര്ബര്ഗ് ഉള്പ്പെടെ നിരവധി ആഗോള വിവിഐപികളും ചടങ്ങില് സംബന്ധിച്ചു. മാര്ച്ച് 3 ഞായറാഴ്ച മൂന്ന് ദിവസത്തെ സല്ക്കാരം അവസാനിക്കും.
