ബെംഗളൂരു: നിര്ണായകമായ 89-ാം മിനിറ്റില് നേടിയ ഏകപക്ഷീയമായ ഒരു ഗോളില് ബെംഗളൂരു എഫ്സി കേരള ബ്ലാസ്റ്റേഴ്സ് എഫ്സിയെ തോല്പ്പിച്ചു. ഹാവി ഹെര്ണാണ്ടസ് ആണ് വിജയഗോള് നേടിയത്.
ഇരുഭാഗത്ത് നിന്നും കാര്യമായ ഗോള് ശ്രമങ്ങളൊന്നുമില്ലാതെ വന്ന മത്സരത്തില് ഗോള് വീഴും വരെ രണ്ട് ടീമുകളും ഓരോ ഓണ് ടാര്ജറ്റ് ഷോട്ടുകള് മാത്രമാണുതിര്ത്തത്. കഴിഞ്ഞ മത്സരത്തില് ഗോവയ്ക്കെതിരെ രണ്ടാം പകുതിയില് ഉണര്ന്നു കളിച്ച ബ്ലാസ്റ്റേഴ്സിനെ അല്ല ഇന്നലെ കണ്ഠീവര സ്റ്റേഡിയത്തില് കാണാനായത്.
ലീഗില് ഇന്നലെ നടന്ന ആദ്യ പോരാട്ടത്തില് കരുത്തരായ മുംബൈ എഫ്സിക്ക് പഞ്ചാബ് കടുത്ത വെല്ലുവിളിയുയര്ത്തി. മത്സരത്തിന്റെ ആദ്യ പകുതിയില് മുംബൈയ്ക്കെതിരെ 2-1ന്റെ ലീഡ് നേടുകയും ചെയ്തു. ഒടുവില് രണ്ടിനെതിരെ മൂന്ന് ഗോളുകളുമായി മുംബൈ ജയം ആഘോഷിച്ചു.
