ന്യൂയോർക്ക്: യുഎസിൽ ഇന്ത്യക്കാർക്കും ഇന്ത്യൻ വംശജർക്കും നേർക്ക് കൊലപാതക ശ്രമങ്ങൾ വർധിക്കുന്നു. കഴിഞ്ഞ ദിവസം നടന്ന ആക്രമണത്തിൽ, ഇന്ത്യയിൽ നിന്നുള്ള ക്ലാസിക്കൽ നർത്തകനും വാഷിംഗ്ടൺ സർവകലാശാലയിലെ വിദ്യാർത്ഥിയുമായ 34 കാരൻ മിസോറിയിലെ സെൻ്റ് ലൂയിസിൽ വെടിയേറ്റു മരിച്ചു.
കഴിഞ്ഞ വർഷം പശ്ചിമ ബംഗാളിൽ നിന്ന് യുഎസിലേക്ക് കുടിയേറിയ കുച്ചിപ്പുഡി, ഭരതനാട്യം നർത്തകൻ അമർനാഥ് ഘോഷ് ആണ് സെൻ്റ് ലൂയിസ് അക്കാദമിയുടെയും സെൻട്രൽ വെസ്റ്റ് എൻഡിന്റെയും അതിർത്തിക്ക് സമീപം നിരവധി തവണ വെടിയേറ്റു കൊല്ലപ്പെട്ടത്. ആശുപത്രിയിൽ എത്തിക്കുന്നതിന് മുൻപേ അമർനാഥ് മരിച്ചതായി സെൻ്റ് ലൂയിസ് മെട്രോപൊളിറ്റൻ പോലീസ് വ്യക്തമാക്കി.
ചൊവ്വാഴ്ച വൈകുന്നേരം 7:15 ന് ഡെൽമർ ബൊളിവാർഡിലും ക്ലാരൻഡൻ അവന്യൂവിലും വെടിവയ്പ്പ് നടന്നതായി ‘5 ഓൺ യുവർ സൈഡ്’ വാർത്താ പോർട്ടൽ വെള്ളിയാഴ്ച റിപ്പോർട്ട് ചെയ്തുവെന്നാണ് സെൻ്റ് ലൂയിസ് മെട്രോപൊളിറ്റൻ പോലീസ് ഡിപ്പാർട്ട്മെൻ്റ് അറിയിച്ചത്
