കൊച്ചി: ഓടുന്ന കാറില് നടിയെ ആക്രമിച്ച് ദൃശ്യങ്ങള് പകര്ത്തിയെന്ന കേസിലെ എട്ടാം പ്രതിയായ നടന് ദിലീപിന്റെ ജാമ്യം റദ്ദാക്കില്ലെന്ന് കേരളാ ഹൈക്കോടതി.
സാക്ഷികളെ സ്വാധീനിക്കാന് ശ്രമിച്ചുവെന്നാരോപിച്ച് സര്ക്കാര് നല്കിയ അപ്പീല് ഹൈക്കോടതി തീര്പ്പാക്കി. പ്രത്യേക കോടതിയുടെ ഉത്തരവിലെ പരാമര്ശങ്ങള് വിചാരണയെ ബാധിക്കരുതെന്നും ഹൈക്കോടതി നിര്ദ്ദേശിച്ചു. ഇക്കാര്യത്തില് വ്യക്തത വരുത്തിയാണ് ഹൈക്കോടതി ഹര്ജി തീര്പ്പാക്കിയത്.
ജാമ്യത്തില് പുറത്തിറങ്ങിയതിന് ശേഷം സാക്ഷികളെ സ്വാധീനിക്കാന് ദിലീപ് ശ്രമം നടത്തിയെന്നും തെളിവുകള് അട്ടിമറിക്കാന് ശ്രമിച്ചുവെന്നുമാണ് സര്ക്കാര് ഹര്ജിയില് ആരോപിച്ചത്. ദിലീപിന്റെ ജാമ്യം റദ്ദാക്കണമെന്ന ആവശ്യവുമായി സര്ക്കാര് വിചാരണ കോടതിയെ സമീപിച്ചിരുന്നെങ്കിലും തള്ളിയിരുന്നു. തുടര്ന്നായിരുന്നു ഹൈക്കോടതിയെ സര്ക്കാര് സമീപിച്ചത്.
