ഛത്തീസ്ഗഡിൽ നാല് നക്സലൈറ്റുകൾ കൊല്ലപ്പെട്ടു ; ബിജാപൂർ മേഖലയിൽ സുരക്ഷാ സേന തിരച്ചിൽ തുടരുന്നു

റായ്പൂർ: ഛത്തീസ്ഗഡിലെ ബിജാപൂർ ജില്ലയിൽ ചൊവ്വാഴ്ച സുരക്ഷാ ഉദ്യോഗസ്ഥരുമായുണ്ടായ ഏറ്റുമുട്ടലിൽ നാല് നക്സലൈറ്റുകൾ കൊല്ലപ്പെട്ടതായി മുതിർന്ന പോലീസ് ഉദ്യോഗസ്ഥൻ അറിയിച്ചു. രാവിലെ സുരക്ഷാ ഉദ്യോഗസ്ഥർ തുടങ്ങിയ തിരച്ചിൽ ഇപ്പോഴും തുടരുകയാണ്.

ജില്ലാ റിസർവ് ഗാർഡിന്റെയും (ഡിആർജി) സെൻട്രൽ റിസർവ് പോലീസ് ഫോഴ്‌സിന്റെയും (സിആർപിഎഫ്) പ്രത്യേക സംഘങ്ങൾ നക്‌സൽ വിരുദ്ധ ഓപ്പറേഷൻ നടത്തുന്നതിനിടെയാണ് ജംഗ്ല പോലീസ് സ്‌റ്റേഷൻ പരിധിയിലുള്ള വനത്തിൽ ഏറ്റുമുട്ടലുണ്ടായത്. അപകടത്തിൽ സൈനികർക്ക് പരിക്കേറ്റതായി റിപ്പോർട്ടില്ല.