ആലപ്പുഴ : കായംകുളത്തു മകന് അമ്മയെ മര്ദിച്ചു കൊലപ്പെടുത്തി. പുതുപ്പള്ളി മഹിളമുക്ക് പണിക്കശ്ശേരി ശാന്തമ്മ (71) ആണ് മരിച്ചത്.
ശാന്തമ്മയെ മര്ദ്ദിച്ച ഇളയ മകന് ബ്രഹമദേവനെ (43) കായംകുളം പൊലീസ് കസ്റ്റഡിയില് എടുത്തു. മര്ദ്ദനമേറ്റ ശാന്തമ്മ സംഭവ സ്ഥലത്ത് വെച്ചു തന്നെ മരിച്ചു.
സംഭവത്തെ കുറിച്ച് പൊലീസ് ഭാഷ്യം ഇങ്ങനെ- ശാന്തമ്മയുടെ വീടിന് സമീപം ക്ഷേത്രത്തില് ഉത്സവം നടക്കുകയായിരുന്നു. ഉത്സവ പറമ്പില് ഭക്ഷണം കഴിക്കവെ ശാന്തമ്മയും നാട്ടുകാരില് ചിലരുമായി വഴക്കുണ്ടായി.
ഇതില് പ്രകോപിതനായ മകന് അമ്മയെ കൂട്ടി വീട്ടിലേക്ക് പോയി അമ്മയെ മര്ദ്ദിക്കുകയായിരുന്നു. വയറില് അടിയേറ്റ ശാന്തമ്മ സംഭവ സ്ഥലത്ത് തന്നെ മരണപ്പെട്ടുവെന്ന് പൊലീസ് പറഞ്ഞു.
