കാസ്ഗഞ്ച് : ഉത്തർപ്രദേശിലെ കാസ്ഗഞ്ച് ജില്ലയിൽ ശനിയാഴ്ച രാവിലെ ട്രാക്ടർ ട്രോളി കുളത്തിലേക്ക് മറിഞ്ഞ് ഏഴ് കുട്ടികളടക്കം 15 പേർ മരിച്ചു.
പട്യാലി പോലീസ് സ്റ്റേഷൻ പരിധിയിൽ പട്യാലി-ദരിയാവ്ഗഞ്ച് റോഡിലാണ് അപകടം നടന്നത്. ട്രാക്ടർ-ട്രോളിയിലുണ്ടായിരുന്നവർ ഗംഗാ നദിയിൽ കുളിക്കാൻ പോകുമ്പോൾ ഉണ്ടായ അപകടത്തിൽ 15-20 പേർക്ക് പരിക്കേറ്റതായി പോലീസ് പറഞ്ഞു.
ട്രാക്ടർ ഡ്രൈവർ മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ ട്രാക്ടർ ട്രോളി മറിഞ്ഞ് 7-8 അടി താഴ്ചയുള്ള കുളത്തിലേക്ക് വീഴുകയായിരുന്നു. മരിച്ച പതിനഞ്ച് പേരിൽ ഏഴ് കുട്ടികളും എട്ട് സ്ത്രീകളും ഉൾപ്പെടുന്നു.
ഏകദേശം 15-20 പേർക്ക് പരിക്കേറ്റു. അവരെ ആശുപത്രിയിൽ പ്രവേശിപ്പിച്ചതായും പോലീസ് അറിയിച്ചു.
