കോഴിക്കോട്: സ്വന്തം പാര്ട്ടി ഭരിയ്ക്കുമ്പോള് പൊലീസ് പുല്ലാണ് എന്ന ധരിയ്ക്കുന്ന ജനാധിപത്യമഹിളാ അസോസിയേഷന് നേതാവിനെ പൊലീസ് പൊക്കി. അറസ്റ്റ് ചെയ്യാന് വരുന്ന പൊലീസിനോട് ‘ഞാന് പാര്ട്ടിയോട് ചോദിച്ചിട്ട് വരാം’ എന്ന് പറഞ്ഞ് കുതറിപ്പോയി ഓട്ടോയില് കയറി രക്ഷപ്പെടാനായിരുന്നു മഹിളാ അസോസിയേഷന് നേതാവിന്റെ ശ്രമം.
പക്ഷെ പൊലീസ് വിടാതെ പിന്തുടര്ന്ന് പിടികൂടുകയായിരുന്നു. നിങ്ങളുടെ കയ്യില് അറസ്റ്റ് ചെയ്യാന് സമന്സുണ്ടോ എന്നും അവര് ധാര്ഷ്ട്യത്തോടെ പൊലീസിനോട് ചോദിക്കാന് ശ്രമിച്ചിരുന്നു. പക്ഷെ അതൊന്നും ചെവിക്കൊള്ളാന് പൊലീസ് തയ്യാറായില്ല. പൊലീസ് ഒരു നേതാവിനെ അറസ്റ്റ് ചെയ്യുന്നത് കണ്ട് മറ്റ് മഹിളാ അസോസിയേഷന് പ്രവര്ത്തകര് കാര്യങ്ങള് പന്തിയല്ല എന്ന് കണ്ട് വേഗം രംഗം വിടുന്നതും വീഡിയോയില് കാണാം.
ഉന്നത വിദ്യാഭ്യാസമന്ത്രി ആര് ബിന്ദുവിനെ ഗവര്ണര് അധിക്ഷേപിച്ചു എന്ന് പറഞ്ഞാണ് ജനാധിപത്യ മഹിളാ അസോസിയേഷന്റെ പ്രതിഷേധവും കരിങ്കൊടി കാണിക്കലും. മന്ത്രി ആര്. ബിന്ദു കേരള സര്വ്വകലാശാലയിലെ സെനറ്റ് യോഗത്തില് നിയമപരമായ അധികാരമില്ലെങ്കിലും അധ്യക്ഷത വഹിച്ചതിനെയായിരുന്നു ഗവര്ണര് വിമര്ശിച്ചത്.
