ന്യൂദൽഹി: തെക്കുപടിഞ്ഞാറൻ ദൽഹിയിലെ കപഷേര മേഖലയിൽ 15 വയസ്സുകാരിയെ മൂന്ന് പ്രായപൂർത്തിയാകാത്ത കൗമാരക്കാർ കൂട്ട ബലാത്സംഗം ചെയ്തു. ദൽഹി പോലീസാണ് ഇക്കാര്യം അറിയിച്ചത്.
പ്രതികളിൽ ഒരാളെ തനിക്ക് അറിയാമെന്നും ഫെബ്രുവരി 17 ന് മറ്റ് രണ്ട് പേർ ഇതിനകം ഉണ്ടായിരുന്ന അവന്റെ വീട്ടിൽ അവനെ കാണാൻ പോയിരുന്നുവെന്നും പ്രായപൂർത്തിയാകാത്ത പെൺകുട്ടി പോലീസിനോട് പറഞ്ഞു. മൂവരും ചേർന്ന് തന്നെ ബലാത്സംഗം ചെയ്തുവെന്നും ആക്രമണത്തെക്കുറിച്ച് ആരോടെങ്കിലും വെളിപ്പെടുത്തിയാൽ ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്ന് ഭീഷണിപ്പെടുത്തിയെന്നും പെൺകുട്ടി ആരോപിച്ചു.
പ്രായപൂർത്തിയാകാത്ത മൂന്ന് പേരെ കസ്റ്റഡിയിലെടുത്തതായി പോലീസ് പറഞ്ഞു. ഇവർക്കെതിരെ കൃത്യമായി അന്വേഷണം നടത്തി നടപടിക്രമങ്ങൾ സ്വീകരിക്കുമെന്നും പോലീസ് അറിയിച്ചു.
