വയനാട്: ഗവര്ണര് ആരിഫ് മുഹമ്മദ് ഖാന് നാളെ വയനാട് സന്ദര്ശിക്കും. വന്യജീവി ആക്രമണത്തെ തുടര്ന്ന് ജനങ്ങള് അശ്വസ്തരാണെന്നും കാര്യങ്ങള് പിന്നീടെത്തി പറഞ്ഞു മനസ്സിലാക്കുമെന്ന് വനം വകുപ്പ് മന്ത്രി എ.കെ ശശീന്ദ്രന് പറയുമ്പോഴാണ് നേരിട്ടെത്തി ജനങ്ങളെ കാണാനുള്ള കേരളാ ഗവര്ണറുടെ തീരുമാനം.
ഇന്ന് വൈകുന്നേരത്തോടെ ആരിഫ് മുഹമ്മദ് ഖാന് കണ്ണൂരിലെത്തും. തുടര്ന്ന് നാളെ രാവിലെ കാട്ടാന ആക്രമണത്തില് കൊല്ലപ്പെട്ട അജീഷിന്റെ വീട് സന്ദര്ശിക്കും. നേരത്തെ സുരക്ഷാ പ്രശ്നങ്ങള് ചൂണ്ടിക്കാട്ടി മാറ്റിവച്ച സന്ദര്ശനത്തിനാണ് തിങ്കളാഴ്ച്ച ഗവര്ണര് ഒരുങ്ങുന്നത്. ബെംഗളൂരുവില് നിന്നുള്ള സിആര്പിഎഫിന്റെ പ്രത്യേക വിഐപി സുരക്ഷയും അദ്ദേഹത്തിനൊരുക്കിയിട്ടുണ്ട്.
