മലയാള സിനിമയിലെ യുവതാരങ്ങളിൽ ശ്രദ്ധേയരാണ് അനുശ്രീയും ഉണ്ണി മുകുന്ദനും. രണ്ടുപേരും അവിവാഹിതർ. അതിനാൽ തന്നെ സമീപകാലത്തായി ഇരുവരും അഭിമുഖീകരിക്കുന്നൊരു ചോദ്യം വിവാഹത്തെ കുറിച്ചുള്ളതാണ്. അതേസമയം, അനുശ്രീയേയും ഉണ്ണി മുകുന്ദനെയും കെട്ടിക്കാൻ നടക്കുന്ന ഒരു വിഭാഗം ആരാധകരുമുണ്ട്. ഇരുവരും ഒന്നിച്ചുള്ള ചിത്രങ്ങൾക്കു താഴെ, നിങ്ങൾക്ക് തമ്മിൽ വിവാഹം കഴിച്ചുകൂടെ എന്ന കമന്റുകൾ സ്ഥിരമാണ്.
ഇപ്പോഴിതാ, അത്തരം കമന്റുകളോട് പ്രതികരിക്കുകയാണ് ഉണ്ണി മുകുന്ദൻ. “ഈ ടൈപ്പ് ന്യൂസ് നിർത്താൻ ഞാൻ എത്ര പേമെന്റ് ചെയ്യണം?” എന്നാണ് ഉണ്ണി മുകുന്ദൻ ചോദിക്കുന്നത്.
