നാഗര്കോവില്: സീമാ ജാഗരണ് മഞ്ച് അഖില ഭാരതീയ വാര്ഷിക സമ്മേളനം കന്യാകുമാരിയില് നടന്നു. മഞ്ചിന്റെ സംയോജക് എ. ഗോപാലകൃഷ്ണന്റെ അധ്യക്ഷതയില് കന്യാകുമാരി വിവേകാനന്ദ കേന്ദ്രത്തില് നടന്ന സമ്മേളനം ആര്എസ്എസ് അഖിലഭാരതീയ സഹപ്രചാര് പ്രമുഖ് അലോക്കുമാര് ഉദ്ഘാടനം ചെയ്തു. തീരദേശ ജാഗ്രതാ പ്രവര്ത്തനത്തിലും, തീരസുരക്ഷ ഉറപ്പുവരുത്താനും സംസ്ഥാന സര്ക്കാരുകള് പ്രവര്ത്തനം വിപുലീകരിക്കണമെന്ന് അദ്ദേഹം പറഞ്ഞു.
ജാഗരണ് മഞ്ച് സഹസംയോജക് പി. പ്രദീപന്, ഗുജറാത്ത് രാജസ്ഥാന് ക്ഷേത്രീയ സംഘടനാ സെക്രട്ടറി നീബ് സിഗ് എന്നിവര് വിവിധ വിഷയങ്ങളെ പ്രതിപാദിച്ച് സംസാരിച്ചു.
രാജ്യത്ത് തീരദേശം കേന്ദ്രീകരിച്ച് നടക്കുന്ന മയക്കുമരുന്ന് കടത്ത്, രാജ്യവിരുദ്ധ പ്രവര്ത്തനങ്ങളിലും സമ്മേളനം ആശങ്ക രേഖപ്പെടുത്തി. തീരദേശ സംസ്ഥാനങ്ങളില് തീരസുരക്ഷ ഉറപ്പ് വരുത്താനുള്ള ജാഗ്രതാ സമിതികള്ക്ക് യോഗം രൂപം നല്കി. കേന്ദ്രസര്ക്കാരിന്റെ ജനക്ഷേമപരമായ പദ്ധതികള് സമൂഹത്തില് എത്തിക്കാന് നടപടികള് സ്വീകരിക്കണമെന്ന് യോഗം ആവശ്യപ്പെട്ടു. ഭാരതത്തിലെ ഒന്പത് തീരദേശ സംസ്ഥാനങ്ങളില് നിന്നുള്ള പ്രതിനിധികള് രണ്ടു ദിവസമായി നടന്ന സമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: