തിരുവനന്തപുരം : കെ എസ് ആര് ടി സി ബസ് നിയന്ത്രണം വിട്ട് യാത്രക്കാര്ക്ക് നേരെ പാഞ്ഞ് കയറിയതിനെ തുടര്ന്ന് നിരവധി പേര്ക്ക് പരിക്ക്.
നെയ്യാറ്റിന്കര ബസ് സ്റ്റാന്ഡിലാണ് സംഭവം .
പരിക്കേറ്റവരില് രണ്ടുവയസായ കുഞ്ഞും ഉള്പ്പെടുന്നു. ബസ് നിര്ത്തവെ ബ്രേക്ക് നഷ്ടപ്പെടുകയായിരുന്നു.രണ്ടു പേരുടെ കാലിന് ഗുരുതര പരിക്കേറ്റു.
ചെങ്കല് സ്വദേശി ലതകുമാരി (48), നിലമാമൂട് സ്വദേശി ശാന്തി (45), മഞ്ചവിളാകം സ്വദേശികളായ സൂര്യ (26), ശ്രീകല (51), ആദിത്യ (23) മകന് അധര്വ്വ് (2 വയസ്,)എന്നിവര്ക്കാണ് പരിക്കേറ്റത്. പരിക്കേറ്റവരെ നെയ്യാറ്റിന്കര ആശുപത്രിയില് പ്രവേശിച്ചു.
