മലപ്പുറം: തിരൂര്‍ ജില്ലാ ആശുപത്രിയില്‍ തീവ്രപരിചരണ വിഭാഗത്തിന് മുന്നില്‍ ഉറങ്ങുകയായിരുന്ന യുവതിയുടെ കൂടെ കിടന്ന് ലൈംഗികാതിക്രമം നടത്തിയ യുവാവ് പിടിയില്‍. കണ്ണൂര്‍ മുഴുപ്പിലങ്ങാട് ആയിഷ മന്‍സിലില്‍ സുഹൈല്‍ (37) ആണ് അറസ്റ്റിലായത്.
രോഗിയുടെ കൂട്ടിരിപ്പുകാരിയോടാണ് ലൈംഗികാതിക്രമമുണ്ടായത്. ഐ.സി.യുവിന് മുമ്പില്‍ വ്യാഴാഴ്ച പുലര്‍ച്ചെയാണ് സംഭവം.
യുവതി ഐ.സി.യുവിനു മുമ്പില്‍ ഉറങ്ങവെ സ്ഥലത്തെത്തിയ പ്രതി യുവതിയുടെ കൂടെ കിടക്കുകയും ലൈംഗികാതിക്രമം നടത്തുകയുമായിരുന്നു. ഞെട്ടിയുണര്‍ന്ന യുവതി ബഹളം വച്ചതോടെ യുവാവ് ഓടിരക്ഷപ്പെട്ടു.
യുവതിയും ഭര്‍ത്താവും പൊലീസില്‍ പരാതി നല്‍കി.ആശുപത്രിയിലെ സി.സി.ടി.വി പരിശോധിച്ച പൊലീസ് സുഹൈലിനെ ടൗണില്‍ വച്ച് തിരിച്ചറിഞ്ഞ് അറസ്റ്റ് ചെയ്യുകയായിരുന്നു.
റെയില്‍വേ സ്റ്റേഷന്റെ സമീപത്തെ ഹോട്ടല്‍ ജീവനക്കാരനാണ് സുഹൈല്‍.
