ആലപ്പുഴ : ഗുണ്ടാ സംഘം മൂന്ന് പേരെ വെട്ടി പരിക്കേല്‍പ്പിച്ചു. കൈതവന സ്വദേശി ജയ് കിഷോര്‍(51), മരുമകന്‍ അനന്തു(20), അയല്‍വാസി ഭാസ്‌കരന്‍ (59) എന്നിവര്‍ക്കാണ് വെട്ടേറ്റത്.
ജയകിഷോറിന്റെ മരുമകന്‍ അനന്തുവിനെ അന്വേഷിച്ച് വീട്ടിലെത്തിയ കഞ്ചാവ് കേസ് പ്രതി ഉദീഷും മറ്റു മൂന്നുപേരും ചേര്‍ന്ന് ജയ് കിഷോറിനെയും അയല്‍വാസി ഭാസ്‌കറിനെയും വെട്ടി പരിക്കേല്‍പ്പിക്കുകയായിരുന്നു.
അനന്തുവിനെ റോഡില്‍ വെച്ചാണ് വെട്ടിയത്. ആക്രമണത്തിനുശേഷം മടങ്ങിയ സംഘം വീണ്ടും എത്തി വീട് അടിച്ചുപൊളിക്കുകയും ബൈക്ക് കത്തിക്കുകയും ചെയ്തു.
ഉദീഷില്‍ നിന്ന് ഒന്നര മാസം മുമ്പ് ഒന്നര കിലോ കഞ്ചാവ് പിടികൂടിയിരുന്നു. അനന്തുവാണ് വിവരം പൊലീസിലറിയിച്ചത് എന്നു പറഞ്ഞായിരുന്നു ആക്രമണം. പിടികൂടാനെത്തിയ പൊലീസ് സംഘത്തിന് നേരെയും ഉദീഷും സംഘാംഗങ്ങളും വാള്‍ വീശി രക്ഷപ്പെട്ടു.
പ്രതികരിക്കാൻ ഇവിടെ എഴുതുക: