ജെയ്‌പൂര്‍: രാജസ്ഥാനിലെ വിദ്യാഭ്യാസ സ്ഥാപനങ്ങളില്‍ ഹിജാബ് നിരോധിച്ചേക്കും. മറ്റ് സംസ്ഥാനങ്ങളിലെ ഹിജാബ് നിരോധനത്തെക്കുറിച്ചും രാജസ്ഥാനില്‍ ഇത് എന്ത് ഫലമുണ്ടാക്കുമെന്നതിനെക്കുറിച്ചും റിപ്പോര്‍ട്ട് തയാറാക്കാന്‍ വിദ്യാഭ്യാസ മന്ത്രി മദന്‍ ദിലാവര്‍ ഉത്തരവിട്ടു.
മന്ത്രി കിരോരി ലാല്‍ മീണയും ഹിജാബും ബുര്‍ഖയും നിരോധിക്കണമെന്ന് നിര്‍ദേശിച്ചിട്ടുണ്ട്. ഹിജാബ് നിരോധിച്ചിട്ടുള്ള നിരവധി മുസ്ലീം രാജ്യങ്ങള്‍ ഉണ്ടെന്നും മന്ത്രി ചൂണ്ടിക്കാട്ടി. ഇവിടെയും മറ്റു രാജ്യങ്ങളെപ്പോലെ ബുര്‍ഖയും ഹിജാബും നിരോധിക്കണം, എല്ലാ സ്‌കൂളുകളിലും യൂണിഫോം വേണം. കിരോരി ലാല്‍ പറഞ്ഞു.
