പാവറട്ടി: സ്കൂട്ടറുകൾ കൂട്ടിയിടിച്ചുണ്ടായ അപകടത്തിൽ വിദ്യാർത്ഥിനിക്ക് ദാരുണാന്ത്യം. കോളേജിലെ എൻസിസി പരേഡ് കഴിഞ്ഞ് വരുന്നതിനിടെയുണ്ടായ അപകടത്തിലാണ് സ്കൂട്ടർ യാത്രികയായ വിദ്യാർത്ഥി മരിച്ചത്. അപകടത്തിൽ ടോറസ് തലയിലൂടെ കയറിയിറങ്ങിയാണ് മരണം സംഭവിച്ചത്.
പൂവത്തൂർ കാട്ടേരി സ്വദേശി വെട്ടിയാറ മധുവിന്റെയും സുരഭിയുടെയും മകൾ ദേവപ്രിയയാണ് മരിച്ചത്. ഗുരുവായൂർ ലിറ്റിൽ ഫ്ളവർ കോളേജിലെ ഒന്നാം വർഷ ബിസിഎ വിദ്യാർത്ഥിനിയാണ്. ചൊവ്വാഴ്ച വൈകിട്ട് ആറ് മണിയോടെ പൂവത്തൂർ സുബ്രഹ്മണ്യൻ കോവിലിന് സമീപമായിരുന്നു അപകടം.
കോളേജിൽ നിന്ന് സ്കൂട്ടിൽ വീട്ടിലേക്ക് വരുന്നതിനിടെയായിരുന്ന ദേവപ്രിയ. എതിർ ദിശയിൽ നിന്ന് വന്ന സ്കൂട്ടർ കൂട്ടിയിടിച്ച് റോഡിലേക്ക് തെറിച്ചു വീണ ദേവപ്രിയയുടെ തലയിലൂടെ ടോറസ് കയറിയിറങ്ങുകയായിരുന്നു. സംഭവത്തെ തുടർന്ന് ടോറസ് ഡ്രൈവർ ഇറങ്ങിയോടി.
