തിരുവനന്തപുരം: അക്രമ സമരങ്ങള്ക്ക് നേതൃത്വം നല്കിയെന്നാരോപിച്ച് അറസ്റ്റ് ചെയ്ത് ജയിലിലടച്ച യൂത്ത് കോണ്ഗ്രസ് അധ്യക്ഷന് രാഹുല് മാങ്കൂട്ടത്തില് ജയില് മോചിതനായി. എട്ട് ദിവസത്തെ ജയില്വാസത്തിന് ശേഷമാണ് രാഹുല് മാങ്കൂട്ടത്തില് പുറത്തിറങ്ങുന്നത്.
ജയില് മോചിതനായ യൂത്ത് കോണ്ഗ്രസ് സംസ്ഥാന അധ്യക്ഷന് ദേശീയ അധ്യക്ഷന് ബി വി ശ്രീനിവാസിന്റെ നേതൃത്വത്തില് വന് സ്വീകരണമാണ് ഒരുക്കിയത്. വെടിക്കെട്ടും പുഷ്പവൃഷ്ടിയും നടത്തിയാണ് പൂജപ്പുര ജയിലിന് മുന്നില് തടിച്ചു കൂടിയ അണികള് സ്വീകരണമൊരുക്കിയത്.
എം എല് എമാരായ ഷാഫി പറമ്പില്, അന്വര് സാദത്ത് തുടങ്ങിയവരും സ്വീകരണചടങ്ങില് പങ്കെടുത്തു.രാഹുലിനെതിരെയുളള നാല് കേസുകളില് ഉപോധികളോടെ ജാമ്യം ലഭിച്ചതിനെ തുടര്ന്നാണ് ജയില് മോചിതനാകാന് കഴിഞ്ഞത്.
നാല് കേസുകളിലും ഉപാധികളോടെയാണ് രാഹുലിന് ജാമ്യം ലഭിച്ചിരിക്കുന്നത്. പൂജപ്പുര ജയിലിലാണ് രാഹുല് റിമാന്ഡില് കഴിഞ്ഞിരുന്നത്. ജയിലിന് മുന്നില് സ്വീകരിക്കാന് യൂത്ത് കോണ്?ഗ്രസ് പ്രവര്ത്തകര് എത്തിയിരുന്നു.
