തിരുവനന്തപുരം: പാലോട്-പാപ്പനംകോട് പള്ളിയ്ക്ക് സമീപം വാഹനാപകടത്തിൽ യുവാവിന് ദാരുണാന്ത്യം. പെരിങ്ങമ്മല-ഇടവം കാട്ടിലകുഴി സ്വദേശി ആസിഫ് ആണ് മരിച്ചത്. ഇന്ന് രാവിലെ 8.15-ഓടെയായിരുന്നു അപകടം.
കാറിലേക്ക് ബൈക്ക് വന്നിടിച്ചാണ് അപകടം നടന്നത്. രണ്ട് വാഹനങ്ങളും പെരിങ്ങമലയിൽ നിന്നും പാലോട് ഭാഗത്തേക്ക് വരവെയായിരുന്നു അപകടം. അപകടത്തിൽ യുവാവ് സംഭവ സ്ഥലത്ത് വച്ച് തന്നെ മരിച്ചു.
