ന്യൂദല്‍ഹി : കണ്ണൂര്‍ സര്‍വകലാശാലയിലെ പ്രിയ വര്‍ഗീസിന്റെ നിയമനം നിയമവിരുദ്ധമല്ലെന്ന് സുപ്രിം കോടതിയില്‍ സത്യവാങ്മൂലം നല്‍കി സര്‍വകലാശാല. യുജിസി മാനദണ്ഡങ്ങള്‍ എല്ലാം പാലിച്ചിട്ടുണ്ടെന്നും ചൂണ്ടിക്കാട്ടി.
അസോസിയേറ്റ് പ്രൊഫസര്‍ നിയമനത്തിന് യുജിസി നിഷ്‌കര്‍ഷിക്കുന്ന മാനദണ്ഡങ്ങള്‍ പാലിച്ചിട്ടുണ്ടെന്നാണ് സര്‍വകലാശാല രജിസ്ട്രാര്‍ സത്യവാങ്മൂലത്തില്‍ പറയുന്നത്. ഹൈക്കോടതി വിധിക്കെതിരെ യുജിസി നല്‍കിയ ഹര്‍ജിയിലാണ് സര്‍വകലാശാല നിലപാട് അറിയിച്ചത്
ഗവേഷണ കാലയളവ് അധ്യാപക പരിചയമായി കണക്കാക്കാം. സ്റ്റുഡന്റ് ഡീനായി പ്രവര്‍ത്തിച്ച കാലയളവും യോഗ്യതയ്‌ക്ക് വിരുദ്ധമല്ല. യുജിസിയുടെ മാറുന്ന ചട്ടങ്ങള്‍ക്ക് മുന്‍കാല പ്രാബല്യം നല്‍കാനാവില്ലെന്നും വാദമുയര്‍ത്തിയിട്ടുണ്ട്. തിങ്കളാഴ്‌ച്ച കേസ് സുപ്രിം കോടതി പരിഗണിക്കും.
