ബ്രിസ്‌ബേന്‍: ഒരുവര്‍ഷത്തോളം വിശ്രമത്തിലിരുന്ന ശേഷം സിംഗിള്‍സ് കോര്‍ട്ടില്‍ തിരിച്ചെത്തിയ റാഫേല്‍ നദാല്‍ വിജയത്തോടെ തുടങ്ങി. ഏറെ വികാര നിര്‍ഭരമായ മത്സരത്തിനൊടുവില്‍ മുന്‍ യുഎസ് ഓപ്പണ്‍ ജേതാവ് ഡൊമിനിക് തിമിനെയാണ് താരം ആദ്യ മത്സരത്തില്‍ തോല്‍പ്പിച്ചത്.
സ്‌കോര്‍: 7-5, 6-1
കൃത്യമായി പറഞ്ഞാല്‍ 349 ദിവസത്തെ ഇടവേളയ്‌ക്ക് ശേഷമാണ് നദാല്‍ ഇന്നലെ സിംഗിള്‍സ് പോരാട്ടത്തിനിറങ്ങിയത്. ഇന്നത്തെ ദിവസം വാസ്തവത്തില്‍ എനിക്ക് ഏറെ വൈകാരികവും പ്രാധാന്യവുമുള്ളതാണെന്ന് 37കാരനായ താരം പ്രതിരിച്ചു.
പരിക്കിനെ തുടര്‍ന്ന് കഴിഞ്ഞ വര്‍ഷത്തെ ഓസ്‌ട്രേലിയന്‍ ഓപ്പണ്‍ മുതല്‍ കരിയറില്‍ നിന്നും വിട്ട് നല്‍ക്കുന്ന നദാല്‍ ചികിത്സയ്‌ക്കും ഏറെ നാളത്തെ വിശ്രമത്തിനും ശേഷം വീണ്ടും മത്സരത്തിലേക്ക് തിരികെയെത്തിയിരിക്കുകയാണ്. കരിയറില്‍ 22 ഗ്രാന്‍ഡ് സ്‌ലാം കിരീടങ്ങള്‍ താരം സ്വന്തമാക്കിയിട്ടുണ്ട്.
