ചങ്ങനാശ്ശേരി: 150-ാം മന്നം ജയന്തി ആഘോഷം ജനുവരി ഒന്ന്, രണ്ട് തീയതികളിൽ നടക്കുമെന്ന് എൻഎസ്എസ് ജനറൽ സെക്രട്ടറി ജി. സുകുമാരൻ നായർ വാർത്താസമ്മേളനത്തിൽ അറിയിച്ചു. ജനുവരി ഒന്നിന് രാവിലെ ഭക്തിഗാനാലാപനം. ഏഴുമുതൽ മന്നംസമാധിയിൽ പുഷ്പാർച്ചന. 10.15-ന് നടക്കുന്ന അഖിലകേരള നായർ പ്രതിനിധി സമ്മേളനത്തിൽ ജനറൽ സെക്രട്ടറി ജി. സുകുമാരൻനായർ സ്വാഗതവും വിശദീകരണവും നടത്തും. എൻഎസ്എസ് പ്രസിഡന്റ് ഡോ. എം. ശശികുമാർ അധ്യക്ഷത വഹിക്കും. വൈസ് പ്രസിഡന്റ് എം. സംഗീത്കുമാർ നന്ദിപറയും.

വൈകിട്ട് അഞ്ചിന് ചെന്നൈ സുനിൽ ആർ. ഗാർഗിയന്റെ സംഗീതക്കച്ചേരി, 6.30-ന് ചലച്ചിത്രതാരം ലക്ഷ്മി ആർ. മേനോനും സംഘവും അവതരിപ്പിക്കുന്ന നൃത്തം, ഒൻപത് മുതൽ തിരുവല്ല ശ്രീവല്ലഭ വിലാസം കഥകളിയോഗത്തിന്റെ കഥകളി- കർണശപഥം, ദുര്യോധനവധം,
രണ്ടിന് രാവിലെ ഭക്തിഗാനാലാപനം, ഏഴ് മുതൽ മന്നം സമാധിയിൽ പുഷ്പാ
ർച്ചന. ഏഴിന് വെട്ടിക്കവല കെ.എൻ. ശശികുമാറിന്റെ നാഗസ്വരക്കച്ചേരി, 8.30-ന്
ആശാസുരേഷിന്റെ സോപാന സംഗീതാർച്ചന. 11-ന് മന്നംജയന്തി സമ്മേളനം മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. എൻഎസ്എസ് പ്രസിഡന്റ് ഡോ. എം. ശശികുമാർ അധ്യക്ഷത വഹിക്കും. ചങ്ങനാശ്ശേരി ആർച്ച്ബിഷപ്പ് മാർ തോമസ് തറയിൽ അനുഗ്രഹ പ്രഭാഷണം നടത്തും. മന്ത്രി കെ. മുരളീധരൻ മുഖ്യപ്രഭാഷണം നടത്തും. എൻഎസ്എസ് ജനറൽ സെക്രട്ടറി ജി. സുകുമാരൻനായർ സ്വാഗതവും ഖജാൻജി അഡ്വ. എൻ.വി. അയ്യപ്പൻപിള്ള നന്ദിയും പറയും.

















