ബെംഗളൂരു: സുഹൃത്തുക്കൾക്കൊപ്പം ഫോട്ടോഷൂട്ടിന് പോകാൻ അനുവദിക്കാത്തതിനെ തുടർന്ന് വിദ്യാർത്ഥിനി ജീവനൊടുക്കി. ബെംഗളൂരുവിൽ സ്വകാര്യ കോളേജിലെ ബിബിഎ വിദ്യാർത്ഥിനിയായ വർഷിണിയാണ് മരിച്ചത്. പുതുവർഷമായതിനാൽ ശനിയാഴ്ച സുഹൃത്തുക്കൾക്കൊപ്പം മാളിൽ ഫോട്ടോഷൂട്ടിന് പോകാൻ വർഷിണി തീരുമാനിച്ചിരുന്നു.
എന്നാൽ മാതാപിതാക്കൾ ആവശ്യം നിരസിച്ചു. ഇതിന് പിന്നാലെ രക്ഷിതാക്കളുമായി ഏറെ നേരം വാക്കുതർക്കത്തിൽ ഏർപ്പെട്ട വർഷിണി മുറിയിൽ കയറി വാതിൽ അടയ്‌ക്കുകയായിരുന്നു. തൊട്ടടുത്ത ദിവസം രാവിലെ ഏറെ നേരം കഴിഞ്ഞിട്ടും യുവതി പുറത്തിറങ്ങാതിരുന്നതിനെ തുടർന്ന് നടത്തിയ പരിശോധനയിലാണ് ജീവനൊടുക്കിയ നിലയിൽ കണ്ടെത്തിയത്. ഫാനിൽ തൂങ്ങിയ നിലയിലായിരുന്നു മൃതദേഹം.
