തിരുവനന്തപുരം: പുതിയ ഗതാഗതമന്ത്രിയായി കെ.ബി. ഗണേഷ്കുമാര് സത്യപ്രതിജ്ഞ ചെയ്ത് അധികാരമേല്ക്കുന്നതിന് തൊട്ടുമുമ്പ് മോട്ടോര് വാഹനവകുപ്പില് കൂട്ട സ്ഥലംമാറ്റം. 57 പേര്ക്കായിരുന്നു സ്ഥലംമാറ്റം. ഒപ്പം 18 ആര്ടിഒമാര്ക്ക് സ്ഥാനക്കയറ്റത്തോടെയും സ്ഥലംമാറ്റം നല്കി. എന്നാല്, പുതിയ മന്ത്രി സത്യപ്രതിജ്ഞ ചെയ്തതിന് പിന്നാലെ ഉത്തരവ് മരവിപ്പിച്ചു.
ആന്റണി രാജു രാജിവച്ച് കെ.ബി. ഗണേഷ്കുമാര് മന്ത്രിയായി സത്യപ്രതിജ്ഞ ചെയ്ത് അധികാരം ഏല്ക്കുന്നതിന് അരമണിക്കൂര് മുമ്പാണ് ട്രാന്സ്പോര്ട്ട് കമ്മിഷണര് എസ്. ശ്രീജിത്ത് സ്ഥലംമാറ്റ ഉത്തരവ് പുറത്തിറക്കിയത്. സത്യപ്രതിജ്ഞ ചെയ്ത് മണിക്കൂറിനുള്ളില്ത്തന്നെ മന്ത്രി ഇടപെട്ടു. ഉത്തരവ് തത്കാലം നടപ്പാക്കേണ്ടതില്ലെന്ന് നിര്ദേശവും നല്കി. ഉത്തരവ് പിന്വലിച്ചിട്ടില്ല, മരവിപ്പിക്കാനാണ് നിര്ദേശം നല്കിയത്.
