തിരുവനന്തപുരം: വർക്കല കവലയൂരിൽ നായകളെ കാവൽ നിർത്തി ലഹരിക്കച്ചവടം നടത്തിയ സംഘം അറസ്റ്റിൽ. കവലയൂർ കൊടിതൂക്കിക്കുന്ന് ശശികല മന്ദിരത്തിൽ ഷൈൻ, നഗരൂർ കരവാരം കുന്നിൽ വീട്ടിൽ ബിജോയ്, ആറ്റിങ്ങൽ സ്വദേശി രാഹുൽ എന്നിവരാണ് പിടിയിലായത്.
പോലീസ് ഉദ്യോഗസ്ഥർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പ്രതികളെ പിടികൂടിയത്. ഇവർ തങ്ങിയിരുന്ന വീട്ടിൽ നിന്ന് 10.10 ഗ്രാം എംഡിഎംഎ, 650 ഗ്രാം കഞ്ചാവ്, കഞ്ചാവ് വലിക്കുന്നതിന് ഉപയോഗിക്കുന്ന ഒസിബി പേപ്പർ, 1,30,000 രൂപ, നാല് മൊബൈൽ ഫോൺ, ഇലക്ട്രിക് ത്രാസ് എന്നിവ കണ്ടെത്തി.
പരിശോധനയക്ക് വേണ്ടി എത്തിയ സംഘത്തെ ആക്രമിക്കുകയും വീട്ടിലുണ്ടായിരുന്ന നായകളെ അഴിച്ചു വിട്ട് ഉപദ്രവിക്കാൻ ശ്രമിക്കുകയും ചെയ്തു.
