കൊച്ചി: പ്രൈം വോളിബോള് ലീഗ് ക്ലബ് കൊച്ചി ബ്ലൂ സ്പൈക്കേഴ്സ് ബ്രസീലിയന് താരം അതോസ് ഫെറീറ കോസ്റ്റയുമായി കരാര് ഒപ്പിട്ടു. ഫെബ്രുവരി 19 മുതല് മാര്ച്ച് 22 വരെ നടക്കുന്ന പ്രൈം വോളിബോള് ലീഗിന്റെ അടുത്ത എഡിഷനിലേക്ക് ബ്ലൂ സ്പൈക്കേഴ്സുമായി കരാറിലാകുന്ന രണ്ടാമത്തെ വിദേശ താരമാണ് അതോസ്.
35കാരനായ അതോസ് പരിചയ സമ്പന്നനായ മിഡില് ബ്ലോക്കറാണ്. മുന്നിര ടീമുകളായ സ്പോര്ട്ടിങ് ക്ലബ്ബ് പോര്ച്ചുഗല്, ഒളിമ്പിയാകോസ് ഗ്രീസ് എന്നിവയ്ക്ക് വേണ്ടിയും ബ്രസീല്, ഇറ്റലി, യുഎഇ എന്നീ രാജ്യങ്ങളിലെ ക്ലബ്ബുകള്ക്ക് വേണ്ടിയും കളിച്ചിട്ടുണ്ട്. കൊച്ചി ബ്ലൂ സ്പൈക്കേഴ്സ് നേരത്തെ പോളണ്ട് താരം ജാന് ക്രോളിനെ കരാറിലൂടെ സ്വന്തമാക്കിയിരുന്നു.
