കോഴിക്കോട്: നിയന്ത്രണം വിട്ട ടൂറിസ്റ്റ് ബസ് പെട്രോൾ പമ്പിലേക്ക് ഇടിച്ചു കയറി അപകടം. സംഭവത്തിൽ ഒരാൾക്ക് പരിക്കേറ്റു കൂളിമാട് എംആർപിഎൽ പമ്പിലാണ് സംഭവം. ഇന്ന് പുലർച്ചെ 2.45-ഓടെയായിരുന്നു അപകടം.
നിയന്ത്രണം വിട്ട ബസ് പെട്രോൾ പമ്പിലേക്ക് ഇടിച്ചു കയറുകയായിരുന്നു. അപകടത്തിൽ ഇന്ധനം നിറയ്ക്കുന്ന പെട്രോൾ പമ്പിലെ മെഷീൻ പൂർണമായും തകർന്നു. പെട്രോൾ പമ്പ് ജീവനക്കാരനായ സൂരജിന്റെ കാലിന് സാരമായി പരിക്കേറ്റിട്ടുണ്ട്.
സംഭവ സമയത്ത് ബസിൽ ഡ്രൈവർ മാത്രമായിരുന്നു ഉണ്ടായിരുന്നത്. യാത്രക്കാരെ ഇറക്കി തിരികെ മാവൂർ ഭാഗത്തേക്ക് വരുന്നതിനിടെയായിരുന്നു അപകടം.
