എന്നും മലയാളികൾക്ക് സുപരിചതരാണ് നടന് കൃഷ്ണ കുമാറും കുടുംബവും. ഭാര്യയും നാല് പെണ്മക്കളുമായി സുഖജീവിതം ആഘോഷിക്കുകയാണ് നടൻ. എല്ലാവരും മലയാളികളുടെ മനസ്സിൽ ഇടം നേടിയവരാണ്. സോഷ്യൽ മീഡിയയിലൂടെയും അഭിനയത്തിലൂടെയും സജീവമാണ് എല്ലാവരും.എല്ലാ വിശേഷങ്ങളും ആരാധകരുമായി പങ്കുവയ്ക്കുന്ന താരം ഇത്തവണ എത്തിയത് തന്റെയും ഭാര്യ സിന്ധുവിന്റെയും ജീവിതത്തിലെ പ്രധാനപ്പെട്ട വിശേഷം പങ്കുവച്ച് കൊണ്ടാണ്.
ഏറ്റവും പ്രധാനപ്പെട്ട ദിവസമാണെന്ന് പറഞ്ഞാണ് താരത്തിന്റെ പോസ്റ്റ്. വിവാഹ വാര്ഷികത്തെ കുറിച്ചായിരുന്നു നടന്റെ പോസ്റ്റ്.ജീവിതത്തില് ഇതുവരെ നടന്ന ഓരോ കാര്യങ്ങളും അങ്ങനെയങ്ങ് സംഭവിച്ച് പോയതാണെന്നാണ് വിവാഹജീവിതത്തെ കുറിച്ച് ഫേസ്ബുക്കിലെഴുതിയ കുറിപ്പിലൂടെ കൃഷ്ണ കുമാര് പറയുന്നത്.ഫേസ്ബുക്ക് പോസ്റ്റ് ഇങ്ങനെ: ജീവിതത്തിൽ എല്ലാം സംഭവിക്കുന്നതാണ്.. നല്ലതും, നല്ലതല്ലാത്തതും. പല കാര്യങ്ങളും നമ്മൾ ശ്രമിക്കാറുണ്ട്. ചിലതു വിചാരിച്ചപോലെ നടക്കും, ചിലത് നടക്കില്ല. നടക്കുമ്പോൾ സന്തോഷിക്കും, നടക്കാത്തപ്പോൾ ദുഖിക്കും.
കല്യാണവും ഏകദേശം അതുപോലെയൊക്കെ ആണെന്ന് ഞാൻ വിശ്വസിക്കുന്നു. ബഹുഭൂരിപക്ഷം കല്യാണങ്ങളിലും മുൻപരിചയമില്ലാത്ത ഒരു വ്യകതിയുമായി ഒരുമിച്ചു പോകുവാൻ തീരുമാനിക്കുന്നു.പിന്നീട് അവരുടെ ജീവിതത്തിൽ കുറെ കാര്യങ്ങൾ സംഭവിക്കുന്നു.. ചിലരുടെ ബന്ധം നീണ്ടു നില്കും. ചിലരുടെത്തു ഇടയ്ക്കു പിരിയുന്നു.. ചിലർ പങ്കാളി നഷ്ടപ്പെട്ടു ഒറ്റയാവുന്നു. എല്ലാം സംഭവിക്കുന്നതാണ്.ദൈവം എന്നു നമ്മൾ വിളിക്കുന്ന, വിശ്വസിക്കുന്ന ആ അദൃശ്യ ശക്തിയുടെ അനുഗ്രഹത്താൽ 29 വർഷം മുൻപ് ഒരു ഡിസംബർ മാസം 12 ആം തിയതി സിന്ധുവിനോടൊപ്പം തുടങ്ങിയ ആ യാത്ര മറ്റു നാലുപേരെയും കൂടെ കൂട്ടി ഇപ്പോഴും തുടരുന്നു.. ദൈവത്തിനു നന്ദി. എല്ലാകുടുംബങ്ങളിലും നന്മയും സന്തോഷവും ഉണ്ടാവട്ടെ എന്നു പ്രാർത്ഥിക്കുന്നു.
