ചിക്കനഹളളി :വിജയ് ഹസാരെ ട്രോഫിയില് റെയില്വേസിനോട് കേരളത്തിന് തോല്വി.സഞ്ജു സാംസണ് സെഞ്ചറി നേടിയ മത്സരത്തില് 18 റണ്സിനാണു റെയില്വേസിന്റെ വിജയം.ടോസ് നേടിയ കേരള റെയില്വേസിനെ ബാറ്റിംഗിനയച്ചു. നിശ്ചിത 50 ഓവറില് റെയില്വേസ് അഞ്ചു വിക്കറ്റ് നഷ്ടത്തില് 255 റണ്സെടുത്തു. മറുപടി ബാറ്റിംഗിനിറങ്ങിയ കേരളത്തിന് എട്ടു വിക്കറ്റ് നഷ്ടത്തില് 237 റണ്സെടുക്കാനേ കഴിഞ്ഞുളളൂ.
സഞ്ജു സാംസണ് 139 പന്തില് 128 റണ്സെടുത്തു. ആറ് സിക്സും എട്ട് ബൗണ്ടറികളും നേടി സഞ്ജു.തോറ്റെങ്കിലും ഏഴ് മത്സരങ്ങളില് നിന്ന് 20 പോയിന്റുളള കേരളത്തിന് ഗ്രൂപ്പ് എയില് ഒന്നാം സ്ഥാനക്കാരായി ക്വാട്ടര് ഫൈനലിന് യോഗ്യത നേടാനായി.
സഞ്ജു ക്രീസിലെത്തുമ്പോള് 8.5 ഓവറില് മൂന്നിന് 26 എന്ന നിലയിലായിരുന്ന കേരളം. അവസാന ഓവറിലെ അഞ്ചാം പന്തിലാണ് സഞ്ജു പുറത്തായത്. കേരളത്തിനായി ശ്രേയസ് ഗോപാല് 63 പന്തില്നിന്ന് 53 റണ്സെടുത്തു.
റെയില്വേസിനു വേണ്ടി സാഹബ് യുവരാജ് സിംഗ് 136 പന്തില് നിന്ന് 121 റണ്സെടുത്ത് പുറത്താകാതെ നിന്നു.
രോഹന് എസ്. കുന്നുമ്മല് റണ്സൊന്നുമെടുക്കാതെ പുറത്തായി.സച്ചിന് ബേബി (19 പന്തില് ഒന്പത്), സല്മാന് നിസാര് (ഒന്പതു പന്തില് രണ്ട്) എന്നിവരും നിരാശപ്പെടുത്തി. ഓപ്പണര് കൃഷ്ണ പ്രസാദ് 51 പന്തില് 29 റണ്സെടുത്ത്.
