കഴിഞ്ഞ ദിവസങ്ങളിൽ ഐശ്വര്യ റായ്യും അഭിഷേക് ബച്ചനും വേർപിരിയുന്നുവെന്ന റിപ്പോർട്ടുകൾ പ്രചരിച്ചിരുന്നു. ഐശ്വര്യയുടെ സോഷ്യൽ മീഡിയ പോസ്റ്റുകൾ ചൂണ്ടിക്കാട്ടിയായിരുന്നു ഈ റിപ്പോർട്ടുകൾ. ഇപ്പോഴിതാ വേർപിരിഞ്ഞുവെന്ന വാർത്തകർ കൂടുതൽ ഉറപ്പിക്കുകയാണ് സോഷ്യൽ മീഡിയ. ഇതിന് ഒരു കാരണവുമുണ്ട്, ഴിഞ്ഞ ദിവസം അഭിഷേക് ബച്ചൻ പങ്കെടുത്തൊരു പരിപാടിയിൽ നിന്നുള്ള ചിത്രങ്ങളാണ് സോഷ്യൽ മീഡിയയിൽ ചർച്ചയാകുന്നത്.
ചിത്രങ്ങളിൽ അഭിഷേക് തന്റെ വിവാഹ മോതിരം ധരിച്ചിട്ടില്ലെന്നാണ് കണ്ടെത്തൽ. എപ്പോഴും തന്റെ വിവാഹ മോതിരം കൈകളിൽ ധരിക്കുന്നതാണ് അഭിഷേകിന്റെ ശീലം. പുറത്ത് വരുന്ന റിപ്പോർട്ടുകൾക്കിടെ അഭിഷേക് വിവാഹമോതിരം ഊരി വച്ച് വന്നതോടെ ഇരുവരും വേർപിരിഞ്ഞുവെന്ന് ആരാധകരും ഉറപ്പിച്ചിരിക്കുകയാണ്. അഭിഷേകിന്റെ സഹോദരി ശ്വേതയും ഭർത്താവുമായി പിരിഞ്ഞാണ് കഴിയുന്നത്. എന്നാൽ വിവാഹമോചനം നേടിയിട്ടില്ല. സമാനമായ രീതിയിൽ അഭിഷേകും ഐശ്വര്യയും പിരിഞ്ഞ് താമസിക്കാൻ തീരുമാനിച്ചുവോ എന്നാണ് സോഷ്യൽ മീഡിയ ചോദിക്കുന്നത്.
കുടുംബത്തിൽ നിന്നും ഐശ്വര്യ റായ് അകന്നുവെന്നും താരം ഇപ്പോൾ തന്റെ കുടുംബത്തിനൊപ്പമാണ് കഴിയുന്നതെന്നും റിപ്പോർട്ടുകളുണ്ട്. ഐശ്വര്യയുടെ ജന്മദിനത്തിൽ അഭിഷേക് ബച്ചൻ പങ്കുവച്ച വികാരഹിതമായ പോസ്റ്റും സംശയങ്ങൾക്ക് ആക്കം കൂട്ടിയിരുന്നു. ഇതിനിടെ പാരീസ് ഫാഷൻ വീക്കിൽ വച്ച് ശ്വേതയും ജയ ബച്ചൻ ഐശ്വര്യയേയും ആരാധ്യയേനയും അവഗണിച്ചതും വാർത്തയായിരുന്നു
ഐശ്വര്യയും ബച്ചൻ കുടുംബവും തമ്മിലുള്ള കോൾഡ് വാർ താരം പങ്കുവെയ്ക്കുന്ന പോസ്റ്റുകളിലൂടെ വ്യക്തമാണ്. ദീപാവലി, പൂജ പാർട്ടികളിൽ പോലും ഐശ്വര്യയും അഭിഷേകും ഒന്നിച്ച് എത്താതിരുന്നത് ചർച്ചകളിൽ നേടിയിരുന്നു. ഐശ്വര്യയുടെ ഇൻസ്റ്റഗ്രാം പോസ്റ്റുകളും ചർച്ചയാകുന്നുണ്ട്. അന്തരിച്ച പിതാവ് കൃഷ്ണരാജ് റായ്യുടെ ജന്മവാർഷികത്തിൽ മകൾ ആരാധ്യ, അച്ഛനൊപ്പം പോസ് ചെയ്യുന്ന പഴയ ഫോട്ടോകളാണ് ഐശ്വര്യ പങ്കുവച്ചിരിക്കുന്നത്.
