കൊച്ചി: മത്സ്യബന്ധനത്തിന് ബോട്ടിടിച്ച് യാത്രാജെട്ടി തകർന്നു. ഫോർട്ട് കൊച്ചി കമാലക്കടവിലെ യാത്രാജെട്ടിയാണ് മത്സ്യബന്ധന ബോട്ടിടിച്ച് തകർന്നത്. അപകടശേഷം ബോട്ട് സ്ഥലത്ത് നിന്ന് ഒളിപ്പിച്ചിരിക്കുകയാണ്.
മത്സ്യബന്ധന ബോട്ടിന് നിരോധനമുള്ള മേഖലയിലാണ് ബോട്ട് അനധികൃതമായി എത്തിയത്. ബോട്ട് കണ്ടെത്തുന്നതിനായി പോലീസും ഫിഷറീസ് വിഭാഗവും അന്വേഷണം ആരംഭിച്ചു. അപകടത്തിന്റെ സിസിടിവി ദൃശ്യങ്ങൾ പുറത്തു വന്നിട്ടുണ്ട്.
