ശബരിമല: ശരംകുത്തിയിലേക്കുള്ള പാതയില് മരക്കൂട്ടത്തിന് സമീപം തളര്ന്ന് വീണ തീര്ത്ഥാടകന് തുണയായി അഗ്നിരക്ഷാസേന. ഇന്നലെ രാവിലെയായിരുന്നു സംഭവം. തമിഴ്നാട് സ്വദേശി സന്തോഷ് (41) ആണ് മലകയറ്റത്തിനിടെ തളര്ന്ന് വീണത്. വിവരമറിഞ്ഞെത്തിയ അഗ്നിരക്ഷാസേന ഉദ്യോഗസ്ഥര് സന്തോഷിനെ സ്ട്രച്ചറില് കിടത്തി മരക്കൂട്ടത്ത് എത്തിച്ചു. തുടര്ന്ന് വനംവകുപ്പിന്റെ പ്രത്യേക ആംബുലന്സില് സന്നിധാനം ആശുപത്രിയില് എത്തിച്ച് വിദഗ്ധ ചികിത്സ നല്കി.
രക്ഷാപ്രവര്ത്തനത്തിന് അഗ്നിരക്ഷാസേനാംഗങ്ങളായ ശ്രീനിവാസ് കെ.കെ, നോബിന് വര്ഗീസ്, ശ്രീജിത്ത്.എസ്, അനീഷ്.ബി.എ, പ്രദീപ്.ജി, സിവില് ഡിഫന്സ് വോളന്റിയര് അജിത്ത് വി.രാജ്, മധുമതി എന്നിവര് നേതൃത്വം നല്കി.
