തിരുവനന്തപുരം: ആറ്റുകാല് പൊങ്കാല ഉത്സവത്തോടനുബന്ധിച്ചുള്ള കുത്തിയോട്ട രജിസ്ട്രേഷന് നാളെ മുതൽ. 2012 ഫെബ്രുവരി 19നും 2014 ഫെബ്രുവരി 19നും ഇടയില് ജനിച്ച ബാലന്മാരെയാണ് കുത്തിയോട്ട വ്രതത്തിനായി പരിഗണിക്കുന്നത്. ഓണ്ലൈന് വഴിയും ട്രസ്റ്റ് ഓഫീസില് നേരിട്ടും രജിസ്ട്രേഷന് നടത്താം. വിവരങ്ങള്ക്ക് ട്രസ്റ്റിന്റെ വെബ്സൈറ്റായ www.attukal.org സന്ദര്ശിക്കുക. ഫോണ്: 04712778900.
ഉത്സവത്തിന്റെ മൂന്നാംനാള് മുതലാണ് കുത്തിയോട്ട വ്രതം ആരംഭിക്കുന്നത്. 10 മുതല് 12 വയസുവരെയുള്ള ബാലന്മാര്ക്കാണ് വ്രതമെടുക്കാനുള്ള അവസരം. കഴിഞ്ഞ തവണ 743 ബാലന്മാരാണ് വ്രതമെടുത്തത്. പൊങ്കാല മഹോത്സവം ഫെബ്രുവരി 17 മുതല് 26 വരെ നടക്കും. 25നാണ് പൊങ്കാല.
