തിരുവനന്തപുരം: യൂത്ത് കോണ്ഗ്രസിനെ രാഹുല് മാങ്കൂട്ടത്തില് നയിക്കും. സംഘടന തെരഞ്ഞെടുപ്പ് ഫലം ഇന്നാണ് പ്രഖ്യാപിച്ചത്. രാഹുല് മാങ്കൂട്ടത്തില് 2,21,986 വോട്ടുകള് നേടി. എതിരാളി അബിന് വര്ക്കിക്ക് 1,68,588 വോട്ടുകള് കിട്ടി.
തെരഞ്ഞെടുപ്പ് നടന്ന് രണ്ട് മാസത്തിന് ശേഷമാണ് ഫലം വരുന്നത്. എ ഗ്രൂപ്പിനെ പ്രതിനിധീകരിക്കുന്നയാളാണ് രാഹുല് മാങ്കൂട്ടത്തില്.
യൂത്ത് കോണ്ഗ്രസ് അധ്യക്ഷനായിരുന്ന ഷാഫി പറമ്പില് എം എല് എ ആണ് രാഹുല് മാങ്കൂട്ടത്തിനെ സ്ഥാനാനാര്ത്ഥിയാക്കാന് പ്രധാനമായും പിന്തുണച്ചത്. വിജയം കൂടുതല് ഉത്തരവാദിത്തം നല്കുന്നുവെന്നും എന്നാല് ഇത് കാണാന് ഉമ്മന്ചാണ്ടി ഇല്ലാതെ പോയതില് ദുഖമുണ്ടെന്നും രാഹുല് പ്രതികരിച്ചു.
