ആലപ്പുഴ: ”ദേശാഭിമാനി ഇതല്ല, ഇതിനപ്പുറവും ചെയ്യും, അവര് ചെയ്തോട്ടെ..” സര്ക്കാരിന്റെ പിആര്എസ് കെണിയില്പ്പെട്ട് ജീവനൊടുക്കിയ കര്ഷകന് കെ.ജി. പ്രസാദിന്റെ ഭാര്യ ഓമന പറഞ്ഞു. ‘തകഴിയിലെ കര്ഷക ആത്മഹത്യ, പിആര്എസ് വായ്പയുമായി ബന്ധമില്ല’ എന്ന ദേശാഭിമാനി വാര്ത്തയോടു പ്രതികരിക്കുകയായിരുന്നു ഓമന.
”ഭര്ത്താവു മരിച്ചതിന്റെ ദുഃഖത്തിലായിരുന്ന എന്നോടു ചോദിക്കാന് പാടില്ലാത്തതുവരെ ചോദിച്ചു. അവരുടെ രീതി അതാണല്ലോ, അവര് ചെയ്തോട്ടെ. ദേശാഭിമാനി പത്രം ഒരാള് കൊണ്ടുവന്നു കാണിച്ചപ്പോഴാണ് ഈ രീതിയില് എഴുതിയിരിക്കുന്നതു കണ്ടത്. ഞാനും ഭര്ത്താവും ഒന്നിച്ചിരുന്ന് ചാനല് ചര്ച്ചകള് കണ്ടിട്ടുണ്ട്. വാര്ത്തകള് വളച്ചൊടിക്കുന്നത് മനസ്സിലാകും. ഭര്ത്താവ് നഷ്ടപ്പെട്ടതിനോളം വലുതല്ലല്ലോ ഒന്നും.”, ഓമന രോഷത്തോടെയും അതിലേറെ വിഷമത്തോടെയും കൂട്ടിച്ചേര്ത്തു.
