കാസര്ഗോഡ്: കാസര്ഗോഡ് വാടക വീട്ടില് നിന്ന് എംഡിഎംഎയുമായി യുവതി എക്സൈസ് പിടിയില്. എരിയാല് വില്ലേജില് മൊഗ്രാല് പുത്തൂര് കുന്നത്തെ വാടക വീട്ടില് നിന്നാണ് 9.021 ഗ്രാം എംഡിഎംഎയുമായി റംസൂണയെ പിടികൂടിയത്.
റംസൂണയ്ക്കെതിരെ എന്ഡിപിഎസ് കേസ് രജിസ്റ്റര് ചെയ്തു. പ്രതിയെ ഈ മാസം 23 വരെ ഹോസ്ദുര്ഗ്ഗ് വനിതാ ജയിലില് റിമാന്ഡ് ചെയ്തു.
പാലക്കാട് ഷൊര്ണൂരിലും 12 ലക്ഷത്തോളം രൂപ വിലവരുന്ന 227 ഗ്രാം എംഡിഎംഎയുമായി കണ്ണൂര്, കോഴിക്കോട് സ്വദേശികളായ രണ്ട് പേരെ പിടികൂടി. തലശേരി സ്വദേശി ടി.കെ നൗഷാദ്, വടകര ചെമ്മരത്തൂര് സ്വദേശി സുമേഷ്കുമാര് എന്നിവരെയാണ് അറസ്റ്റ് ചെയ്തത്. ലഹരിയിടപാട് നടത്താന് വേണ്ടി ഷൊര്ണൂരിലെ സ്വകാര്യ ഹോട്ടലില് താമസിക്കുമ്പോഴാണ് ഇവര് പൊലീസ് പിടിയിലാകുന്നത്. പ്രതികളുടെ പക്കല് നിന്നും കര്ണ്ണാടക രജിസ്ട്രേഷന് കാറില് നിന്നുമാണ് എംഡിഎംഎ കണ്ടെത്തിയത്.
