തിരുവല്ല: കുട്ടനാട്ടില് ആത്മഹത്യ ചെയ്ത കര്ഷകന് കെ.ജി പ്രസാദിന് അന്തിമോപചാരം അര്പ്പിച്ച് ഗവർണർ ആരിഫ് മുഹമ്മദ് ഖാൻ. തിരുവല്ലയിലെ മെഡിക്കല് മിഷന് ആശുപത്രിയിലെത്തിയാണ് ഗവർണർ പ്രസാദിന് അന്തിമോപചാരം അർപ്പിച്ചത്. കര്ഷക ആത്മഹത്യ ഒറ്റപ്പെട്ട സംഭവമല്ല. വിഷയത്തെ ഏറെ ഗൗരവത്തോടെ കാണുന്നുവെന്നും ഗവര്ണര് പറഞ്ഞു.
താൻ കർഷകന്റെ കുടുംബത്തിനൊപ്പമാണ്. അവർക്കായി എന്ത് ചെയ്യാൻ കഴിയും എന്ന് നോക്കുമെന്നും ഗവർണർ പറഞ്ഞു. സാമ്പത്തിക ഞെരുക്കമാണെങ്കിലും ആഘോഷത്തിന് ഒരു കുറവുമില്ല. കര്ഷകും പെന്ഷന് വാങ്ങുന്നവരും നേരിടുന്നത് കടുത്ത പ്രതിസന്ധിയാണെന്നും ആരിഫ് മുഹമ്മദ് ഖാന് കുറ്റപ്പെടുത്തിയിരുന്നു.
അതേസമയം, രാജ് ഭവനില് അധികച്ചെലവെന്ന ആക്ഷേപത്തിലും ഗവർണർ പ്രതികരിച്ചു. തുക പാസ്സാക്കുന്നവർക്ക് അത് നിർത്താമല്ലോയെന്ന് ഗവർണർ ചോദിച്ചു. മറ്റ് രാജ്ഭവനുകളുടെ ചെലവുമായി വേണമെങ്കിൽ താരതമ്യം ചെയ്യാമെന്നും ഗവർണർ പറഞ്ഞു. അധിക ചെലവുണ്ടെന്ന് ആക്ഷേപമുണ്ടങ്കിൽ മാധ്യമങ്ങളോടല്ല അക്കാര്യം പറയണ്ടതെന്നും അദ്ദേഹം വിമർശിച്ചു.
മന്ത്രിമാരുടെ പേഴ്സണൽ സ്റ്റാഫുകൾക്കായി വൻ തുക ചെലവഴിക്കുന്നുവെന്നും അദ്ദേഹം വിമര്ശിച്ചു.
