ബെംഗളൂരു : മലയാളി യുവാവിനെയും ബംഗാളി യുവതിയെയും ബെഗളൂരുവിലെ അപാര്ട്മെന്റില് മരിച്ച നിലയില് കണ്ടെത്തി. ഇടുക്കി സ്വദേശി അബില് ഏബ്രഹാം (29), കൊല്ക്കത്ത സ്വദേശിനി സൗമിനി ദാസ് (20) എന്നിവരാണ് മരിച്ചത്. കൊത്തന്നൂര് ദൊഡ്ഡഗുബ്ബിയിലെ അപ്പാര്ട്ട്മെന്റില് തീ കൊളുത്തി മരിച്ച നിലയില് കണ്ടെത്തിയത്. സൗമിനി സംഭവസ്ഥലത്തും അബില് ആശുപത്രിയിലുമാണ് മരിച്ചത്.
ഞായറാഴ്ച വൈകിട്ടാണ് സംഭവം. മൂന്ന് ദിവസം മുന്പാണ് ഇരുവരും ഇവിടെ ഒരുമിച്ച് താമസം ആരംഭിച്ചത്. വിവാഹിതയായ സൗമിനി മാറത്തഹള്ളിയിലെ സ്വകാര്യ നഴ്സിങ് കോളജിലെ രണ്ടാം വര്ഷ വിദ്യാര്ഥിനിയാണ്. നഴ്സിങ് റിക്രൂട്ട്്മെന്റ് ഏജന്സി ഉടമയായ അബില് അവിവാഹിതനാണ്. മൃതദേഹം പോസ്റ്റ്മോര്ട്ടത്തിനായി വിക്ടോറിയ ആശുപത്രി മോര്ച്ചറിയിലേക്ക് മാറ്റി. കൊത്തന്നൂര് പോലീസ് കേസെടുത്തു.
