കാഠ്മണ്ഡു: നേപ്പാളിലുണ്ടായ ഭൂചലനത്തിൽ മരിച്ചവരുടെ എണ്ണം 157 ആയി. മരണപ്പെട്ടവരിൽ 89 പേരും സ്ത്രീകളാണ്. 190 പേർക്ക് പരിക്കേറ്റിട്ടുണ്ട്. പ്രകമ്പനമുണ്ടായ ജാജർകോട്ട്, റുകും വെസ്റ്റ് ജില്ലകളിലാണ് ഏറ്റവും കൂടുതൽ ദുരന്തം ബാധിച്ചത്.
ജാജർകോട്ടിൽ 105 പേർ കൊല്ലപ്പെടുകയും നൂറിൽ അധികം ആളുകൾ പരിക്കേൽക്കുകയും ചെയ്തു. റുകും വെസ്റ്റിൽ 52 പേർ കൊല്ലപ്പെടുകയും 85 പേർക്ക് പരിക്കേൽക്കുകയും ചെയ്തു.
റിക്ടർ സ്കെയിലിൽ 6.4 തീവ്രത രേഖപ്പെടുത്തിയ ഭൂചലനത്തിൽ നിരവധി വീടുകളും കെട്ടിടങ്ങളും തകർന്നു. ഡൽഹിയിലും ബിഹാറിലും ഉത്തർപ്രദേശിലും ഭൂചലനത്തിന്റെ പ്രകമ്പനങ്ങൾ അനുഭവപ്പെട്ടു. വെള്ളിയാഴ്ച രാത്രി 11..30-ഓടെയായിരുന്നു സംഭവം.
