കോട്ടയം: ബാലഗോകുലം കോട്ടയം താലൂക്ക് കലോത്സവം ഇല്ലിക്കല് ചിന്മയ വിദ്യാലയത്തില് സംഗീതജ്ഞ ഷീബാ രാജു ഉദ്ഘാടനം ചെയ്തു. ബാലഗോകുലം താലൂക്ക് അധ്യക്ഷന് ഈശ്വരന് നമ്പൂതിരി, സംസ്ഥാന ഉപാധ്യക്ഷന് ഡോ.എന്. ഉണ്ണികൃഷ്ണന് എന്നിവര് ഉദ്ഘാടന സഭയില് പങ്കെടുത്തു.
20 യൂണിറ്റുകളില് നിന്നായി 600ല് ഏറെ കുട്ടികള് 22 വിഭാഗങ്ങളിലായി മത്സരിച്ചു.സമാപന സഭയില് ജില്ല ജോയിന്റ് സെക്രട്ടറി ശ്രീജിത്ത് ശിവ, സംസ്ഥാന സമിതി അംഗം പി.സി. ഗിരീഷ് കുമാര് എന്നിവര് വിജയികള്ക്ക് സമ്മാനം നല്കി. ഏറ്റവും കൂടുതല് പോയിന്റോടെ ഒന്നാം സ്ഥാനം ഇറഞ്ഞാല് വൃന്ദാവന് ഗോകുലവും രണ്ടാം സ്ഥാനം പുളിഞ്ചുവട് സുദര്ശന ഗോകുലവും മൂന്നാം സ്ഥാനം വടവാതൂര് ത്രൈലോക്യാനന്ദജി ഗോകുലവും കരസ്ഥമാക്കി.
ജില്ല സെക്രട്ടറി മനുകൃഷ്ണ, ജില്ലാ സഹഭഗിനി പ്രമുഖ് രശ്മി സുരേഷ്, താലൂക്ക് ഭാരവാഹികളായ സി.എസ്. അരവിന്ദ്രാജ്, എസ്.നന്ദഗോപന്, രമ.സി.നാരായണന്, അരവിന്ദ് തിരുവാറ്റ എന്നിവര് നേതൃത്വം നല്കി.
ജന്മഭൂമി ഓണ്ലൈന്