കുതിരാനിലെ മേല്ക്കൂരയില്ലാത്ത വീട്ടില് ഒറ്റപ്പെട്ട ജീവിതം നയിക്കുകയായിരുന്ന വയോധികയ്ക്ക് സഹായഹസ്തവുമായി നടന് ഉണ്ണി മുകുന്ദന്. സ്വന്തമായി അടച്ചുറപ്പുള്ളൊരു വീട് എന്ന അന്നമ്മയുടെ സ്വപ്നമാണ് ഉണ്ണി മുകുന്ദന് സാക്ഷാത്കരിച്ചത്. പുതിയ വീടിന്റെ താക്കോല് തൃശ്ശൂര് കുതിരാനിലെ വീട്ടില് വച്ച് കഴിഞ്ഞ ദിവസം ഉണ്ണി മുകുന്ദന് അന്നക്കുട്ടിക്ക് കൈമാറി.
വന്യമൃഗങ്ങള് ധാരാളമുള്ള കുതിരാനിലെ മേല്ക്കൂര ഇല്ലാത്ത വീട്ടില് ഒറ്റപ്പെട്ട ജീവിതം നയിക്കുകയായിയുന്നു 75 കാരി അന്നക്കുട്ടി. അഞ്ചുവര്ഷമായി ഈ ദുരന്തജീവിതം തുടരുകയാണെന്ന വാര്ത്ത ഉണ്ണി മുകുന്ദന് മാധ്യമങ്ങള് വഴിയാണ് അറിഞ്ഞത്. ഇതോടെ അവര്ക്കൊരു കൈത്താങ്ങാകണമെന്ന തീരുമാനം ഉണ്ണി എടുക്കുകയായിരുന്നു.
പിന്നാലെ ഇക്കാര്യങ്ങള് മനസ്സിലാക്കിയ ഉണ്ണി മുകുന്ദന്റെ പിതാവ് മുകുന്ദന്, കമ്പനി സി ഒ ജയന് മഠത്തില് എന്നിവര് സ്ഥലത്തെത്തി അന്നക്കുട്ടിക്ക് ഉറപ്പ് നല്കി. ഇതിന് പിന്നാലെ പ്രവര്ത്തനങ്ങളും ആരംഭിച്ചു.
മേല്ക്കൂര നിര്മിക്കുന്നതിന് പുറമെ നിലവിലെ വീട് പൂര്ണമായും ഉറപ്പുള്ളതാക്കി വാതിലുകളും ജനലുകളും സ്ഥാപിച്ചു. നിലം പൂര്ണ്ണമായും ടൈല് വിരിച്ചതാക്കി. സ്വകാര്യ കണ്സ്ട്രക്ഷന് കമ്പനിയുടെ സഹായത്തോടെയാണ് വീട് പുനര്നിര്മ്മിച്ചത്.
2018ലെ പ്രളയത്തിലാണ് അന്നക്കുട്ടിയുടെ വീട് തകര്ന്നത്. പുതിയ വീടിനായി സര്ക്കാരില് നിന്നും നാല് ലക്ഷം രൂപ അനുവദിച്ചിരുന്നെങ്കിലും പണം കൈക്കലാക്കിയ കരാറുകാരന് പണി പാതിവഴിയില് ഉപേക്ഷിച്ചു പോയി. ഇതോടുകൂടി അന്നക്കുട്ടിയുടെ ജീവിതം പൂര്ണ്ണമായും ദുരിതത്തില് ആയത്.
