തിരുവനന്തപുരം: കല്ലമ്പലത്ത് നിന്ന് മോഷ്ടിച്ച കാറുമായി പുനലൂരിൽ അപകടം സൃഷ്ടിച്ച യുവാവ് അറസ്റ്റിൽ. കുന്നിക്കോട് പോലീസ് കസ്റ്റഡിയിലെടുത്ത തിരുവനന്തപുരം വിതുര തെന്നൂർ പ്രബിൻഭവിൽ പ്രബിനെ കല്ലമ്പലം പോലീസിന് കൈമാറി. ഓട്ടേറെ വാഹന മോഷണ കേസുകളിൽ പ്രതിയാണ് ഇയാൾ.
കാർ പുനലൂരിൽ ആറ് വാഹനങ്ങളിൽ ഇടിച്ച് കേടുപാടുകൾ വരുത്തിയിരുന്നു. എന്നാൽ പരാതിക്കാർ എത്താതിനാലാണ് കേസ് എടുക്കാതിരുന്നത് പോലീസ് പറയുന്നു. പോലീസ് ജീപ്പിൽ കാർ ഇടിപ്പിച്ച് കേടുപാട് വരുത്തിയ സംഭവത്തിൽ കേസ് എടുക്കുമെന്നും അധികൃതർ വ്യക്തമാക്കി.
കല്ലമ്പലം നാവായിക്കുളത്തെ വർക്ക്ഷോപ്പിൽ നിന്ന് കഴിഞ്ഞ 12-ന് ആണ് കാർ മോഷണം പോകുന്നത്. ശനിയാഴ്ച കാർ പുനലൂർ ഭാഗത്തേക്ക് എത്തുന്നുണ്ടെന്ന് ലഭിച്ച വിവരത്തെ തുടർന്ന് പോലീസ് പിന്തുടരുകയായിരുന്നു. പിടിയിലാകാതിരിക്കുന്നതിന്
വേണ്ടിയുള്ള ശ്രമത്തിനിടെയാണ് കാർ
ജീപ്പിലും ഒട്ടേറെ വാഹനങ്ങളിലുമായി ഇടിച്ചത്. പ്രദേശവാസികളുടെ നേതൃത്വത്തിൽ നടത്തിയ തിരച്ചിലിൽ പ്രതിയെ പിടികൂടുകയായിരുന്നു.
