ഓസ്കാർ അവാർഡ് ജേതാവ് റസൂൽ പൂക്കുട്ടി ആദ്യമായി സംവിധാനം ചെയ്യന്ന ചിത്രമായ ഒറ്റയുടെ ട്രെയിലർ റിലീസായി. രണ്ട് യുവാക്കളുടെ കഥയും അപ്രതീക്ഷിതമായ ഭാവി യാത്രയുമാണ് ഫാമിലി ഡ്രാമ വിഭാഗത്തിൽ പെടുന്ന ഒറ്റ എന്ന ചിത്രം പറയുന്നത്. ഇവരുടെ ജീവിതത്തിലുണ്ടാകുന്ന സംഭവികാസങ്ങളിലൂടെയാണ് ചിത്രം മുന്നോട്ട് പോകുന്നത്.
ഹരി എന്ന പ്രധാന കഥാപാത്രമായി ആസിഫ് അലിയും . ബെൻ ആയി അർജുൻ അശോകും, രാജുവായി ഇന്ദ്രജിത്തുമാണ് ചിത്രത്തിൽ എത്തുന്നത്. ചിത്രത്തിൻ മലയാളം – തമിഴ് – കന്നഡ ചിത്രങ്ങളിലെ മുൻ നിര താരങ്ങൾ അഭിനയിക്കുന്നുണ്ട്.
സത്യരാജ്, രോഹിണി,ആദിൽ ഹുസൈൻ, ഇന്ദ്രൻസ്,രഞ്ജി പണിക്കർ, മേജർ രവി, സുരേഷ്കുമാർ, ശ്യാമപ്രസാദ്, സുധീർ കരമന, ബൈജു പൂക്കുട്ടി, ദിവ്യ ദത്ത, കന്നഡ നടി ഭാവന, ലെന, മമത മോഹൻദാസ്, ജലജ, ദേവി നായർ തുടങ്ങിയ വമ്പൻ താരനിര അണിനിരക്കുന്നു.
ചിൽഡ്രൻ റീ യുണൈറ്റഡ് എൽ. എൽ. പിയും റസൂൽ പൂക്കുട്ടി പ്രൊഡക്ഷൻസും ചേർന്നൊരുക്കുന്ന’ഒറ്റ ‘യുടെ കഥ കിരൺ പ്രഭാകറിന്റേതാണ്.
