ന്യൂദല്ഹി: മുന് മുഖ്യമന്ത്രിയും സി പി എം നേതാവുമായ വി എസ് അച്യുതാനന്ദന് നൂറാം പിറന്നാള് ദിനത്തില് ആശംസ നേര്ന്ന് പ്രധാനമന്ത്രി നരേന്ദ്രമോദി.കേരളത്തിലെ ജനങ്ങള്ക്കായി പതിറ്റാണ്ടുകളായി വി എസ് അച്യുതാനന്ദന് പ്രവര്ത്തിക്കുന്നുവെന്നും വിഎസുമായുള്ള ഇടപെടലുകള് താന് സ്മരിക്കുന്നുവെന്നും പ്രധാനമന്ത്രി പറഞ്ഞു.
മുന് മുഖ്യമന്ത്രി വിഎസ് അച്യുതാനന്ദന് ഇന്ന് നൂറ് വയസ് തികയുകയാണ്. വിഎസ് എന്ന രാഷ്ട്രീയ നേതാവിന്റെ ജീവിതത്തില് അദ്ദേഹം നടത്തിയ സമരങ്ങളും ആശയപോരാട്ടങ്ങളും സാമൂഹ്യ-രാഷ്ട്രീയ നിലപാടുകളും പാരിസ്ഥിതിക ഇടപെടലുകളും വേറിട്ട് അടയാളപ്പെടുത്തിട്ടുണ്ട്.
കേരളത്തിലെ പ്രബല രാഷ്ട്രീയ പ്രസ്ഥാനത്തിന്റെ ഏറ്റവും മുതിര്ന്ന നേതാവാണ് വി എസ്. ഇതിനപ്പുറം ആലപ്പുഴയിലെ ഒരു സാധാരണ തയ്യല് തൊഴിലാളിയില് നിന്ന് ഇന്ത്യയിലെ ഏറ്റവും പ്രഗത്ഭരായ രാഷ്ട്രീയ നേതാക്കളില് ഒരാളായി മാറിയ വിഎസിന്റെ ഒരു നൂറ്റാണ്ട് കാലത്തെ ജീവിതം നാടിന്റെ കൂടി ചരിത്രമാണ്.
