ശിവഗിരി: വിജയദശമിദിനമായ 24 ന് ശിവഗിരി മഠത്തില്‍ ഗുരുദേവന്‍ പ്രതിഷ്ഠിച്ച ശ്രീശാരദാംബയുടെ തിരുസന്നിധിയില്‍ ഹരിശ്രീ കുറിക്കാന്‍ ഇത്തവണ വിദേശ രാജ്യങ്ങളില്‍ നിന്നുള്‍പ്പെടെ കുരുന്നുകളുമായി മാതാപിതാക്കള്‍ എത്തും.
ശ്രീനാരായണ ധര്‍മ്മസംഘം ട്രസ്റ്റ് അധ്യക്ഷന്‍ സച്ചിദാനന്ദ സ്വാമി, ജനറല്‍ സെക്രട്ടറി സ്വാമി ശുഭാംഗാനന്ദ, ട്രഷറര്‍ സ്വാമി ശാരദാനന്ദ, ട്രസ്റ്റ് ബോര്‍ഡ് അംഗങ്ങളായ സ്വാമി സൂക്ഷ്മാനന്ദ, സ്വാമി പരാനന്ദ, സ്വാമി വിശുദ്ധാനന്ദ, സ്വാമി ഋതംഭരാനന്ദ, സ്വാമി ബോധിതീര്‍ത്ഥ, സ്വാമി വിശാലാനന്ദ, സ്വാമി സാന്ദ്രാനന്ദ, സ്വാമി യോഗാനന്ദ തീര്‍ത്ഥ തുടങ്ങിയവരും മറ്റു സംന്യാസി ശ്രേഷ്ഠരും കുരുന്നുകള്‍ക്ക് ആദ്യക്ഷരം കുറിക്കും.
നവരാത്രി ആഘോഷങ്ങള്‍ക്കായി വിപുലമായ ക്രമീകരണങ്ങളാണ് ശിവഗിരിയില്‍ ഒരുക്കിയിട്ടുള്ളത്. വിപുലമായ പാര്‍ക്കിങ് സൗകര്യം, കൂടുതല്‍ സംവിധാനങ്ങളോടെ വഴിപാടുകൗണ്ടര്‍ എന്നിവ ഉണ്ടായിരിക്കും. ശിവഗിരി മഠത്തിലെ പ്രധാന വഴിപാടായ മഹാഗുരുപൂജയും നവരാത്രി വേളയില്‍ ഭക്തര്‍ ബുക്ക് ചെയ്തിട്ടുണ്ട്. വിവരങ്ങള്‍ക്ക്: 9447551499.
