കൊല്ലം: മുഖ്യമന്ത്രിക്ക് എസ്കോര്ട്ട് വന്ന ഫയര്ഫോഴ്സ് വാഹനം നിയന്ത്രണം വിട്ടു തെരുവുവിളക്ക് ഇടിച്ചു തകര്ത്തു. പത്തനാപുരം കല്ലിക്കടവില് രാത്രി ഒമ്പതോടെയാണ് അപകടം ഉണ്ടായത്. പത്തനംതിട്ടയില് നിന്നുള്ള ഫയര്ഫോഴ്സ് വാഹനമാണ് അപകടത്തില്പ്പെട്ടത്.
മൂന്ന് ഫയര്ഫോഴ്സ് അംഗങ്ങള്ക്ക് പരിക്കേറ്റു. പരിക്കേറ്റവരെ പത്തനാപുരത്തെ സ്വകാര്യ ആശുപത്രിയില് പ്രവേശിപ്പിച്ചു. നിലവില് ആരുടെയും പരിക്ക് ഗുരുതരമല്ലെന്നാണ് വിവരം.
മുഖ്യമന്ത്രി ഇടുക്കിയില് നിന്ന് തിരുവനന്തപുരത്തേക്ക് പോകവേയാണ് അപകടമുണ്ടായത്.
